5.4 Zergadunentzako zerbitzuetako entitate laguntzaileak
Zergei buruzko Foru Legearen (abenduaren 14ko 13/2000 Foru Legea) 90. artikuluak arautzen du, zergak kudeatzeko gizarte-lankidetza gauzatzeko, zerga-administrazioak akordioak sinatuko dituela gizarte, lan, enpresa edo lanbideetako sektore edo interesen ordezkari diren entitate, instituzio eta erakundeekin.
Horri dagokionez, 130/2009 Foru Aginduak kanpoko lankidetza-hitzarmena onartzen du, hirugarren pertsonen izenean aitorpenak, jakinarazpenak eta zerga-arloko beste dokumentu batzuk telematikoki aurkezteko eta zerga-zorren ordainketa telematikoki izapidetzeko. 2017ko abenduaren 31n, 3.015 entitatek sinatu zuten lankidetza-hitzarmena Nafarroako Ogasunarekin.
Bestalde, 18 entitate laguntzailek parte hartu zuten 2016ko PFEZaren (2017. urtea) Kanpainan, eta 1.304 langilek hartu zuten parte.
Memoria honen 3.5.6 puntuan (“Dirua borondatezko epean biltzeko jarduketak”) adierazi den moduan, finantza-entitateek diru-bilketaren kudeaketan emandako laguntzari buruzko datuetan ikusi da hala 2017. urtean ez dela aldaketa handirik egon finantza-entitate laguntzaileen kopuruan, baina handitu egin direla bai ordainketa kopurua eta bai aplikatutako zenbatekoak.
Jarraian adierazten den taulan aurkezten dira diru-bilketaren kudeaketan lagundu duten entitateen datuak: